Gulam Nabi Hakeem

jahaan-e-rang-o-bu kitnaa hasin hai

جہان رنگ و بو کتنا حسیں ہے یہ گلشن رشک فردوس بریں ہے مرا حسن نظر حسن آفریں ہے کہ ہر ذرہ جہاں کا مہ جبیں ہے تری ہستی سے قائم ہے یہ ہستی یہ ہستی خود کوئی ہستی نہیں ہے ترا در چھوڑ کر جائیں کہاں ہم کہ یہ امن و اماں کی سر زمیں ہے فساد انگیزئ آب و ہوا سے مزاج خاک یاں اب آتشیں ہے حکیمؔ اس سے خدا محفوظ رکھے یہ سرکش نفس مار آستیں ہے

zindagi ishq-o-mohabbat se javaan hoti hai

زندگی عشق و محبت سے جواں ہوتی ہے ورنہ بے کیف سی بے تاب و تواں ہوتی ہے عشق کی لو سے جو روشن رگ جاں ہوتی ہے شمع بن جاتی ہے بے عشق دھواں ہوتی ہے کون ہم جیسوں کو اس مے کا پتہ دیتا ہے پہلے کچھ لوگ بتاتے تھے کہ ہاں ہوتی ہے ہاؤ ہو شور جو ہم سنتے ہیں مے خانے میں مے گساروں کے لئے بانگ اذاں ہوتی ہے اک نہ اک ناصح مشفق بھی ٹپک پڑتا ہے مے گساری کی کوئی بات جہاں ہوتی ہے اے حکیمؔ آؤ وہ مے خانہ کھلا رہتا ہے اصل مے ساقیٔ کوثر کے وہاں ہوتی ہے