Hammad Niyazi

ham is khatir tiri tasvir ka hissa nahin the
tire manzar men aa jaa.e na virani hamari

main apne baap ke siine se phuul chunta huun
so jab bhi saans thami baagh men Tahal aaya

akhiri baar main kab us se mila yaad nahin
bas yahi yaad hai ik shaam bahut bhari thi

vo peD jis ki chhanv men kaTi thi umr gaanv men
main chuum chuum thak gaya magar ye dil bhara nahin

sub.h savere nange paanv ghaas pe chalna aisa hai
jaise baap ka pahla bosa qurbat jaise maaon ki

bhula diya bhi agar jaa.e sarsari kiya jaa.e
mutale.a miri vahshat ka lazmi kiya jaa.e

kachchi qabron par saji khushbu ki bikhri laash par
khaamushi ne ik nae andaaz mein taqrir ki

haar diyaa hai ujlat mein
khud ko kis aasaani se

main apne baap ke siine se phuul chuntaa huun
so jab bhi saans thami baagh mein Tahal aayaa

dikhaai dene lagi thi khushbu
main phuul aankhon pe mal rahaa thaa

vo peD jis ki chhaanv mein kaTi thi umr gaanv mein
main chuum chuum thak gayaa magar ye dil bharaa nahin

bas ek lamha tire vasl kaa mayassar ho
aur us visaal ke lamhe ko daaimi kiyaa jaae