Hazar Lakhnavi

یہ جو ہر شے میں تری جلوہ گری ہے اے دوست یہ بھی میری وسیع النظری ہے اے دوست خندۂ گل ہے جو زخم جگری ہے اے دوست موج غم موج نسیم سحری ہے اے دوست تیری فردوس خیالی ہو مبارک تجھ کو میری جنت مرے دامن کی تری ہے اے دوست کیا سمائے غم انساں نگہ انساں میں عرش پیمائی بھی فہم بشری ہے اے دوست مجھ کو آتا ہے مصیبت میں غزل خواں ہونا میری معراج مری بے ہنری ہے اے دوست جس کو کہتے ہیں تری یاد میں گم ہو جانا وہ بھی اک سلسلۂ باخبری ہے اے دوست توڑ کر مجھ کو ذرا آئینۂ قلب ہزار کتنا مجبور فن شیشہ گری ہے اے دوست

ye jo har shai mein tiri jalvagari hai ai dost