ایسے چھوتے ہیں تصور میں تجھے ہم چپ چاپ جیسے پھولوں کو چھوا کرتی ہے شبنم چپ چاپ ترک الفت پہ بھی کر جاتے ہیں اکثر گمراہ میرے خوابوں کو ترے گیسوئے پر خم چپ چاپ جیسے کرتی ہی نہیں تنگ ہمیں یہ معصوم کیسے جاتی ہے شب ہجر سحر دم چپ چاپ کوئی ملتا ہی نہیں اس کو سخن کا موضوع بیٹھی رہتی ہے میرے پاس شب غم چپ چاپ شورش وقت نے بخشی نہیں جائے افسوس یعنی کرنا ہی پڑا زیست کا ماتم چپ چاپ موج ہنگام چراغاں ہے نہ وہ رنگ عبیر شوخیٔ عید بھی خاموش محرم چپ چاپ میری آنکھیں ہیں ترے حسن کی گویا تصویر میں نے دیکھا ہے ترے حسن کا عالم چپ چاپ دور ابلیس کے یہ بادہ گساران مجازؔ پیتے رہتے ہیں جہنم کا جہنم چپ چاپ

غزل · Ghazal

halqa-e-eatibaar mein kab the

حلقۂ اعتبار میں کب تھے ہم کسی کے شمار میں کب تھے غازۂ پر فریب کیا کرتا آئنے اختیار میں کب تھے سامنا اور ہم فقیروں کا حوصلے شہریار میں کب تھے جشن رخصت ہے شہر میں جن کا وہ امان حصار میں کب تھے دستکیں نا مراد ہی لوٹیں وہ مرے انتظار میں کب تھے بولتی کیوں نہیں یہ زنجیریں یہ قدم کوئے یار میں کب تھے ہم سے شاعر مجازؔ پہلے بھی سر نوشت دیار میں کب تھے

غزل · Ghazal

havaa mein tez-ravi hai na josh paani mein

ہوا میں تیز روی ہے نہ جوش پانی میں سکوت مرگ ہے سیلاب کی روانی میں نہ کوئی بات نہ جھگڑا نہ مدعا کوئی جھلس رہا ہے مرا شہر بد گمانی میں بلا سبب نہیں شرح حیات کی سرخی جگر کا خون بھی شامل ہے ترجمانی میں ہوئی تمام چلو زحمت خریداری بلا کا لطف ہے اس دور کی گرانی میں ہوا فقیر تو سدرہ پہ آ گیا آخر بھٹک گئے تھے قدم جس کے حکمرانی میں بوقت نزع نظر آ رہا ہے وہ معبود جو ہم کو یاد نہ آیا بھری جوانی میں مجازؔ جس کی ستائش میں شعر کہتا ہوں بس ایک وہ ہی نہیں ہے مری کہانی میں

غزل · Ghazal

kuchh gardish-e-zamaana kuchh aarzu kare hai

کچھ گردش زمانہ کچھ آرزو کرے ہے باقی جو بچ رہے ہے وہ کام تو کرے ہے خون جگر کرے ہے دل کو لہو کرے ہے یہ دور آدمی کو یوں سرخ رو کرے ہے موتی ہے یہ پلک پر رخسار پر ہے شبنم گر کر زمیں پہ آنسو بے آبرو کرے ہے زنداں کی دل شکستہ تنہائیوں میں کوئی دیوار و در سے جانے کیا گفتگو کرے ہے ہر ذرہ میکدہ ہے یہ تشنگی سلامت کیوں ماتم شکست جام و سبو کرے ہے کچھ معتبر نہیں ہے اسود ہو یا کہ مرمر ان پتھروں کے آگے کیا آرزو کرے ہے کب کا گزر چکا ہے دیوانگی کا عالم پھر بھی مجازؔ اپنا دامن رفو کرے ہے

Similar Poets