اتنا مجبور آدمی کیوں ہے اور اگر ہے تو آگہی کیوں ہے ہر نفس نعرۂ خودی کیوں ہے اتنا احساس کمتری کیوں ہے تیرگی عجز صاحبان نظر روشنی تک ہی روشنی کیوں ہے آج ہی تو کسی سے بچھڑے ہیں آج کی رات چاندنی کیوں ہے لوگ کیا جانے کیا سمجھ بیٹھیں نقشؔ سے اتنی بے رخی کیوں ہے

itnaa majbur aadmi kyuun hai

غزل · Ghazal

مقام امن قفس کیا کہ آشیاں بھی نہیں سکوں وہاں بھی نہیں تھا سکوں یہاں بھی نہیں مرا کلام پیام عمل نہ ہو لیکن تمام تر نگہ‌ و دل کی داستاں بھی نہیں مری نگاہ میں منزل ہے عام انساں کی مقام دار نہیں بزم مہ رخاں بھی نہیں یہ بار شدت احساس کا ہے نادانو گراں ہے زیست مگر اس قدر گراں بھی نہیں ہے نقش خون جگر سے ہر ایک فن کو ثبات جو یہ نہیں تو کوئی نقش جاوداں بھی نہیں

maqaam-e-amn qafas kyaa ki aashiyaan bhi nahin

غزل · Ghazal

دل کا اک اک داغ شمع زیر داماں ہو گیا ہم جہاں پہنچے وہیں جشن چراغاں ہو گیا چاک دل کی بات تھی چاک جگر کی بات تھی مفت میں رسوا مرا چاک گریباں ہو گیا رقص کر یوں ایک اک بند عناصر ٹوٹ جائے اے جنوں پابندیوں سے دل پریشاں ہو گیا کس سے پوچھوں ارتقا کی کون سی منزل ہے یہ آدمی خود آدمی کا دشمن جاں ہو گیا چھوڑیئے افسانہ‌ٔ انساں کو انساں اب کہاں وہ تو بیچارہ ہلاک کفر و ایماں ہو گیا پھول محروم تبسم اور صبا معذور رقص یہ گلستاں کیا ہوا اے نقشؔ زنداں ہو گیا

dil kaa ik ik daagh sham-e-zer-e-daamaan ho gayaa

غزل · Ghazal

حد پرواز جمال آپ کی انگڑائی ہے اس سے آگے مرے احساس کی رعنائی ہے اب سفر اور بھی دشوار ہوا ہم سفرو تیرگی راہ کی ذہنوں میں سمٹ آئی ہے تھے جو محبوس تو آفاق نگاہی تھی نصیب ہوئے آزاد تو ہر چیز علاقائی ہے ہم کبھی روئے تھے جس بات پہ پہروں اے نقشؔ آج اس بات پہ رہ رہ کے ہنسی آئی ہے

hadd-e-parvaaz-e-jamaal aap ki angDaai hai

غزل · Ghazal

اتفاقاً جو کہیں اب وہ نظر آتے ہیں کتنی یادوں کے حسیں نقش ابھر آتے ہیں کیسے گزری شب آشفتہ سراں کس کو خبر لوگ تو بام پہ ہنگام سحر آتے ہیں سوچ لیں آپ مرا ساتھ کہاں تک دیں گے مرحلے سیکڑوں دوران سفر آتے ہیں یوں غلط تو نہیں چہروں کا تأثر بھی مگر لوگ ویسے بھی نہیں جیسے نظر آتے ہیں ان سے جب ترک تعلق کا خیال آتا ہے رابطے کتنے تصور میں ابھر آتے ہیں

ittifaaqan jo kahin ab vo nazar aate hain

Similar Poets