Qasri Kanpuri

"koi manzil ke qarib aa ke bhaTak jaata hai koi manzil pe pahunchta hai bhaTak jaane se"

"aap haq-goi ki jo chahen saza den mujh ko aap khud jaise hain vaisa hi kaha hai main ne"

"ye kaun shakhs hai is ko zara bulao to ye mere haal pe kyuun muskura ke guzra hai"

"ghalat hai aap ka andaza-e-nazar 'qasri' bura zarur huun par is qadar bura bhi nahin"

"apne kandhon se uTha.e hue halat ka bojh raste chikh paDe log jidhar se guzre"

"jab se ik shakhs mere dhyan men hai kitni khushbu mire makan men hai"

koi manzil ke qarib aa ke bhaTak jaataa hai
koi manzil pe pahunchtaa hai bhaTak jaane se

aap haq-goi ki jo chaahein sazaa dein mujh ko
aap khud jaise hain vaisaa hi kahaa hai main ne

ye kaun shakhs hai is ko zaraa bulaao to
ye mere haal pe kyuun muskuraa ke guzraa hai

ghalat hai aap kaa andaaza-e-nazar 'qasri'
buraa zarur huun par is qadar buraa bhi nahin

apne kaandhon se uThaae hue haalaat kaa bojh
raaste chikh paDe log jidhar se guzre

jab se ik shakhs mere dhyaan mein hai
kitni khushbu mire makaan mein hai