jab se ik shakhs mere dhyaan mein hai — Qasri Kanpuri

yahi hai rasm-e-zamaana to phir gila kaisaa
koi jalaae charaaghon ko aur bujhaae koi

koi manzil ke qarib aa ke bhaTak jaataa hai
koi manzil pe pahunchtaa hai bhaTak jaane se

aap haq-goi ki jo chaahein sazaa dein mujh ko
aap khud jaise hain vaisaa hi kahaa hai main ne

ye kaun shakhs hai is ko zaraa bulaao to
ye mere haal pe kyuun muskuraa ke guzraa hai

ghalat hai aap kaa andaaza-e-nazar 'qasri'
buraa zarur huun par is qadar buraa bhi nahin

apne kaandhon se uThaae hue haalaat kaa bojh
raaste chikh paDe log jidhar se guzre

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

vahaan iid kyaa vahaan diid kyaa
jahaan chaand raat na aai ho

shabistaan mein raho baaghon mein khelo mujh se kyuun puchho
ki raatein kis tarah kaTti hain din kaise guzarte hain

kyaa kyaa na pyaas jaage mire dil ke dasht mein
hasrat bhi ek aag hai laage jo raat bhar