Rahim

bade badaai na karain, bade na bolain bol rahiman heera kab kahain, laakh taka hai mol

jaisi parai so sahi rahai, kahi Rahim yah deh dharti hi par parat sab, seet ghaam aru meh

kheera sir te kaatiye, maliye lon lagaai rahiman karue mukhan ko, chahiyat yahi sajaai

rahiman chup hvai baithiye, dekhi dinan ko pher jab neeke din aaihain, banat na lagi hai der

rahiman nij man ki bitha, man hi raakhau goy suni athilaihain log sab, baanti na laihain koy

jo Rahim uttam prakriti, ka kari sakat kusang chandan bish byaapat nahin, lapte rahat bhujang

bigri baat banai nahin, laakh karau kin koi rahiman bigre doodh ke, mathe na maakhan hoi

rahiman paani raakhiye, bin paani sab soon paani gaye na oobarai, moti maanush choon

taruvar phal nahin khaat hain, sarvar piyahin na paan kahi Rahim par kaaj hit, sampati sanchahin sujaan

rahiman dekhi baden ko, laghu na deejiye daari jahan kaam aavai sui, kaha karai tarvaari

rahiman dhaga prem ko, mati toro chatkaai toote se phiri na milai, mile gaanthi pari jaai