afsurdagi-e-dil se ye rang hai sukhan mein — Hafeez Jaunpuri
"afsurdagi-e-dil se ye rang hai sukhan mein yaa'ni khizaan-rasida kuchh phuul hain chaman mein ghurbat mein bhi rahe ham yaaron ki anjuman mein yaad-e-vatan ne rakkhaa aksar hamein vatan mein kyaa saans kaa bharosaa phir aae yaa na aae kab tak jalegi aakhir ye sham' anjuman mein laakhon mein ek nikli vaz-e-junun bhi apni ab bhi rahe na dab kar ham un se baankpan mein kyaa jaane kyaa vahaan se laayaa khushi kaa muzhda phulaa nahin samaataa qaasid jo pairahan mein jo chaahte hain raahat likkhein vo haal-e-ghurbat ham nang jaante hain khat bhejnaa vatan mein shaayad kuchh amn paanv haathon se aasmaan ke khaak us gali ki le kar malnaa mire kafan mein go pir-zan hai mukhbir baais to hai ye aakhir aaluda dast-e-shirin hai khun-e-kohkan mein ham mai-kashon ko pi kar ye infiaal aayaa raasha paDaa huaa hai ek ek uzv-e-tan mein khaana-kharaabi apni yaad aai ji bhar aayaa ujDaa huaa jo dekhaa ik aashiyaan chaman mein vaaiz tiri zabaan se ghibat buton ki sun kar masjid se uTh ke pahunche ham dair-e-barhaman mein vo dil mein aur dil hai sau hasraton kaa maskan khalvat mein anjuman hai khalvat hai anjuman mein shaa'ir 'hafiz' tum se kaamil bahut hain lekin kahte hain dard aisaa paidaa kahaan sukhan mein"
افسردگئ دل سے یہ رنگ ہے سخن میں یعنی خزاں رسیدہ کچھ پھول ہیں چمن میں غربت میں بھی رہے ہم یاروں کی انجمن میں یاد وطن نے رکھا اکثر ہمیں وطن میں کیا سانس کا بھروسا پھر آئے یا نہ آئے کب تک جلے گی آخر یہ شمع انجمن میں لاکھوں میں ایک نکلی وضع جنوں بھی اپنی اب بھی رہے نہ دب کر ہم ان سے بانکپن میں کیا جانے کیا وہاں سے لایا خوشی کا مژدہ پھولا نہیں سماتا قاصد جو پیرہن میں جو چاہتے ہیں راحت لکھیں وہ حال غربت ہم ننگ جانتے ہیں خط بھیجنا وطن میں شاید کچھ امن پاؤں ہاتھوں سے آسماں کے خاک اس گلی کی لے کر ملنا مرے کفن میں گو پیرزن ہے مخبر باعث تو ہے یہ آخر آلودہ دست شیریں ہے خون کوہ کن میں ہم میکشوں کو پی کر یہ انفعال آیا رعشہ پڑا ہوا ہے ایک ایک عضو تن میں خانہ خرابی اپنی یاد آئی جی بھر آیا اجڑا ہوا جو دیکھا اک آشیاں چمن میں واعظ تری زباں سے غیبت بتوں کی سن کر مسجد سے اٹھ کے پہنچے ہم دیر برہمن میں وہ دل میں اور دل ہے سو حسرتوں کا مسکن خلوت میں انجمن ہے خلوت ہے انجمن میں شاعر حفیظؔ تم سے کامل بہت ہیں لیکن کہتے ہیں درد ایسا پیدا کہاں سخن میں
अफ़्सुर्दगी-ए-दिल से ये रंग है सुख़न में या'नी ख़िज़ाँ-रसीदा कुछ फूल हैं चमन में ग़ुर्बत में भी रहे हम यारों की अंजुमन में याद-ए-वतन ने रक्खा अक्सर हमें वतन में क्या साँस का भरोसा फिर आए या न आए कब तक जलेगी आख़िर ये शम' अंजुमन में लाखों में एक निकली वज़-ए-जुनूँ भी अपनी अब भी रहे न दब कर हम उन से बाँकपन में क्या जाने क्या वहाँ से लाया ख़ुशी का मुज़्दा फूला नहीं समाता क़ासिद जो पैरहन में जो चाहते हैं राहत लिक्खें वो हाल-ए-ग़ुर्बत हम नंग जानते हैं ख़त भेजना वतन में शायद कुछ अम्न पाँव हाथों से आसमाँ के ख़ाक उस गली की ले कर मलना मिरे कफ़न में गो पीर-ज़न है मुख़्बिर बाइ'स तो है ये आख़िर आलूदा दस्त-ए-शीरीं है ख़ून-ए-कोहकन में हम मय-कशों को पी कर ये इंफ़िआल आया रा'शा पड़ा हुआ है एक एक उज़्व-ए-तन में ख़ाना-ख़राबी अपनी याद आई जी भर आया उजड़ा हुआ जो देखा इक आशियाँ चमन में वाइज़ तिरी ज़बाँ से ग़ीबत बुतों की सुन कर मस्जिद से उठ के पहुँचे हम दैर-ए-बरहमन में वो दिल में और दिल है सौ हसरतों का मस्कन ख़ल्वत में अंजुमन है ख़ल्वत है अंजुमन में शा'इर 'हफ़ीज़' तुम से कामिल बहुत हैं लेकिन कहते हैं दर्द ऐसा पैदा कहाँ सुख़न में
