aur ai chashm-e-tarab baada-e-gulfaam abhi — Habeeb Ahmad Siddiqui
"aur ai chashm-e-tarab baada-e-gulfaam abhi dil hai be-gaana-e-andesha-e-anjaam abhi baada-o-saaqi-o-mutrib kaa na lo naam abhi gard-aalud hai aaina-e-ayyaam abhi dil hai majruh par-o-baal shikasta hamdam daam se chhuT ke bhi huun main tah-e-daam abhi maani-o-maqsad-e-hasti kaa samajhnaa maalum aql hai sirf parastaari-e-auhaam abhi ishrat-e-jalva-e-be-baak mubaarak ai ishq dida-o-dil hain magar tishna-e-paighaam abhi gham nahin sab pe agar chashm-e-karam hai teri gham to ye hai ki sitam bhi hai tiraa aam abhi ai subuk-sair-e-nazar ek payaam-e-rangin hai harif-e-gham-e-dil gardish-e-ayyaam abhi daavat-e-shauq ba-unvaan-e-sitam bhi to nahin us pe ilzaam ki hai jazba-e-dil khaam abhi tu ne kyaa chiiz banaa di nigah-e-sehr-taraaz vo jo thi shisha-e-dil mein mai-e-be-naam abhi zindagi manzil-e-maqsud se aagaah nahin us ki mearaaj hai parvaaz sar-e-baam abhi kis ko ye hosh ki paighaam-e-mohabbat samjhe dil hai vaarafta-e-rangini-e-paighaam abhi"
اور اے چشم طرب بادۂ گلفام ابھی دل ہے بیگانۂ اندیشۂ انجام ابھی بادہ و ساقی و مطرب کا نہ لو نام ابھی گرد آلود ہے آئینۂ ایام ابھی دل ہے مجروح پر و بال شکستہ ہمدم دام سے چھوٹ کے بھی ہوں میں تہہ دام ابھی معنی و مقصد ہستی کا سمجھنا معلوم عقل ہے صرف پرستارئ اوہام ابھی عشرت جلوۂ بیباک مبارک اے عشق دیدہ و دل ہیں مگر تشنۂ پیغام ابھی غم نہیں سب پہ اگر چشم کرم ہے تیری غم تو یہ ہے کہ ستم بھی ہے ترا عام ابھی اے سبک سیر نظر ایک پیام رنگیں ہے حریف غم دل گردش ایام ابھی دعوت شوق بعنوان ستم بھی تو نہیں اس پہ الزام کہ ہے جذبۂ دل خام ابھی تو نے کیا چیز بنا دی نگہ سحر طراز وہ جو تھی شیشۂ دل میں مئے بے نام ابھی زندگی منزل مقصود سے آگاہ نہیں اس کی معراج ہے پرواز سر بام ابھی کس کو یہ ہوش کہ پیغام محبت سمجھے دل ہے وارفتۂ رنگینئ پیغام ابھی
और ऐ चश्म-ए-तरब बादा-ए-गुलफ़ाम अभी दिल है बे-गाना-ए-अंदेशा-ए-अंजाम अभी बादा-ए-ओ-साक़ी-ओ-मुतरिब का न लो नाम अभी गर्द-आलूद है आईना-ए-अय्याम अभी दिल है मजरूह पर-ओ-बाल शिकस्ता हमदम दाम से छूट के भी हूँ मैं तह-ए-दाम अभी मानी-ओ-मक़सद-ए-हस्ती का समझना मा'लूम अक़्ल है सिर्फ़ परस्तारी-ए-औहाम अभी इशरत-ए-जल्वा-ए-बे-बाक मुबारक ऐ इश्क़ दीदा-ओ-दिल हैं मगर तिश्ना-ए-पैग़ाम अभी ग़म नहीं सब पे अगर चश्म-ए-करम है तेरी ग़म तो ये है कि सितम भी है तिरा आम अभी ऐ सुबुक-सैर-ए-नज़र एक पयाम-ए-रंगीं है हरीफ़-ए-ग़म-ए-दिल गर्दिश-ए-अय्याम अभी दावत-ए-शौक़ ब-उन्वान-ए-सितम भी तो नहीं उस पे इल्ज़ाम कि है जज़्बा-ए-दिल ख़ाम अभी तू ने क्या चीज़ बना दी निगह-ए-सेहर-तराज़ वो जो थी शीशा-ए-दिल में मय-ए-बे-नाम अभी ज़िंदगी मंज़िल-ए-मक़्सूद से आगाह नहीं उस की मेराज है परवाज़ सर-ए-बाम अभी किस को ये होश कि पैग़ाम-ए-मोहब्बत समझे दिल है वारफ़्ता-ए-रंगीनी-ए-पैग़ाम अभी
