darakhton se judaa hote hue patte agar bolein — Khalid Sharif

"mehrbaan koi nazar aae to samjhun tu hai phuul mahkein to ye jaanon ki tiri khushbu hai aql taslim nahin karti pe dil maantaa hai vo koi moajaza hai vahm hai yaa jaadu hai ab tiraa zikr kareinge na tujhe yaad kabhi haan magar dil ke dhaDakne pe kise qaabu hai kuchh mizaaj apnaa hi begaana huaa jaataa hai varna us shakhs ki to narm-ravi ki khu hai gham rag-o-pai mein utartaa hai lahu ki surat dard palkon pe laraztaa huaa ik aansu hai aaj kuchh rang digar hai mire ghar kaa 'khaalid' sochtaa huun ye tiri yaad hai yaa khud tu hai"

"naa-rasaai hai ki tu hai kyaa hai yaad kar ke jise ji Duubaa hai ai gham-e-jaan tire gham-khvaaron kaa sabr ab had se sivaa pahunchaa hai aaina thaa ki miraa paikar thaa teri baaton se abhi bikhraa hai aankh kis lafz pe bhar aai hai kaun si baat pe dil TuuTaa hai mire haathon ki lakiron mein koi zindagi ban ke chhupaa baiThaa hai aasmaan jhaank rahaa hai 'khaalid' chaand kamre mein mire utraa hai"

"vo to gayaa ab apni anaa ko sameT le ai gham-gusaar dast-e-duaa ko sameT le baalon mein apne Daal le ab khaak-e-ku-e-yaar baanhon mein us gali ki havaa ko sameT le miTTi ki ik lakir bhi kah degi daastaan chalne kaa shauq hai to ridaa ko sameT le in aablon ki raushni bhaTkegi shahr mein ai kucha-gard gardish-e-paa ko sameT le lafzon ko tark kar de ki in ko nahin sabaat aankhon mein aaj apni vafaa ko sameT le bas ek chup hi tere labon par saji rahe bas apne dil mein sail-e-balaa ko sameT le 'khaalid' kabhi to tazkira-e-jaan sunaa hamein apni sadaa mein khauf-e-sadaa ko sameT le"

"zakhm risne lagaa hai phir shaayad yaad us ne kiyaa hai phir shaayad siskiyaan gunjti hain kaanon mein ghar kisi kaa jalaa hai phir shaayad haasil-e-umr kyaa yahi kuchh hai ye abhi sochnaa hai phir shaayad dar-e-zindaan pe phir hui dastak koi dard-aashnaa hai phir shaayad phir parinde uDe hain shaakhon se ik dhamaaka huaa hai phir shaayad muskuraate hain dekh dekh ke log imtihaan-e-vafaa hai phir shaayad"

"jis ko paa kar ham ye samjhe the ki kuchh khoyaa nahin vo jo bachhDaa hai to jaise koi bhi apnaa nahin vo abhi shaadaab hai jangal ke phulon ki tarah us ke chehre par gae mausam ne kuchh likkhaa nahin aaj se ik dusre ko qatl karnaa hai hamein tu miraa paikar nahin hai main tiraa saaya nahin main ne kaise pyaare pyaare log saunpe the tujhe ai gham-e-jaan ai gham-e-jaan ye miri duniyaa nahin main use kaise pukaaron kis tarah aavaaz duun jis ko apnaa kah na paaun aur begaana nahin aa ki pahle aablon ke zakhm hi taaza karein ai mire zauq-e-safar ab koi bhi sahraa nahin ham-safar bhi thaa magar izn-e-shanaasaai na thaa vo mire pahlu mein thaa aur main ne pahchaanaa nahin"

"use to kho hi chuke phir khayaal kyaa us kaa ye fikr kaisi ki phir hogaa haal kyaa us kaa vo ek shakhs jise khud hi chhoD baiThe hain ghulaae detaa hai dil ko malaal kyaa us kaa tumhaari aankhon mein chhalkin nadaamatein kaise javaab banne lagaa kyaa savaal kyaa us kaa vo nafraton ke bhanvar mein bhi muskuraa ke milaa ab is se baDh ke bhalaa ho kamaal kyaa us kaa use to jaan se bhi apni aziz-tar rakhiye jo zakhm khud hi lage indimaal kyaa us kaa ab is tarah bhi na yaadon ki kirchiyaan chuniye na thaa firaaq se behtar visaal kyaa us kaa ye soch kar na use phir kabhi mile 'khaalid' ki jaane hogaa nadaamat se haal kyaa us kaa"