kaun kahtaa mujhe shaaista-e-tahzib-e-junun — Ravish Siddiqi
"kaun kahtaa mujhe shaaista-e-tahzib-e-junun main tiri zulf-e-pareshaan ko agar chheD na duun kaun hasrat-zada-e-shauq-e-takallum hai yahaan laDkhaDaataa hai tiri chashm-e-sukhan-go kaa fusun ye hujum-e-gham-e-dauraan mein kahaan yaad rahaa daastaan-e-gham-e-dil tere taghaaful se kahun kyaa khabar khema-e-lailaa ke nigahbaanon ko ki harim-e-dil-e-lailaa mein hai mehmaan-e-junun rang rah rah ke tire rukh kaa uDaa jaataa hai varna main aur tiri mahfil-e-tamkin se uThun qaid-e-hasti mein ye ik gosha-e-daamaan-e-khayaal phir ghanimat hai ki zindaan mein bhi aazaad to huun ho saliqe se bahaknaa to maza detaa hai mire saaqi ko gumaan hai ki bahut hosh mein huun justuju ki koi manzil jo nahin hai to na ho himmat-e-ishq ye kahti hai ki baDhtaa hi rahun ab tire haal pe tujh ko dil-e-naadaan chhoDaa sochnaa bhi to qayaamat hai kahaan tak sochun main ne pahchaan liyaa us ko sar-e-bazm 'ravish' us ki aankhon ko hai israar ki khaamosh rahun"
کون کہتا مجھے شائستۂ تہذیب جنوں میں تری زلف پریشاں کو اگر چھیڑ نہ دوں کون حسرت زدۂ شوق تکلم ہے یہاں لڑکھڑاتا ہے تری چشم سخن گو کا فسوں یہ ہجوم غم دوراں میں کہاں یاد رہا داستان غم دل تیرے تغافل سے کہوں کیا خبر خیمۂ لیلےٰ کے نگہبانوں کو کہ حریم دل لیلےٰ میں ہے مہمان جنوں رنگ رہ رہ کے ترے رخ کا اڑا جاتا ہے ورنہ میں اور تری محفل تمکیں سے اٹھوں قید ہستی میں یہ اک گوشۂ دامان خیال پھر غنیمت ہے کہ زنداں میں بھی آزاد تو ہوں ہو سلیقے سے بہکنا تو مزہ دیتا ہے مرے ساقی کو گماں ہے کہ بہت ہوش میں ہوں جستجو کی کوئی منزل جو نہیں ہے تو نہ ہو ہمت عشق یہ کہتی ہے کہ بڑھتا ہی رہوں اب ترے حال پہ تجھ کو دل ناداں چھوڑا سوچنا بھی تو قیامت ہے کہاں تک سوچوں میں نے پہچان لیا اس کو سر بزم روشؔ اس کی آنکھوں کو ہے اصرار کہ خاموش رہوں
कौन कहता मुझे शाइस्ता-ए-तहज़ीब-ए-जुनूँ मैं तिरी ज़ुल्फ़-ए-परेशाँ को अगर छेड़ न दूँ कौन हसरत-ज़दा-ए-शौक़-ए-तकल्लुम है यहाँ लड़खड़ाता है तिरी चश्म-ए-सुख़न-गो का फ़ुसूँ ये हुजूम-ए-ग़म-ए-दौराँ में कहाँ याद रहा दास्तान-ए-ग़म-ए-दिल तेरे तग़ाफ़ुल से कहूँ क्या ख़बर ख़ेमा-ए-लैला के निगहबानों को कि हरीम-ए-दिल-ए-लैला में है मेहमान-ए-जुनूँ रंग रह रह के तिरे रुख़ का उड़ा जाता है वर्ना मैं और तिरी महफ़िल-ए-तमकीं से उठूँ क़ैद-ए-हस्ती में ये इक गोशा-ए-दामान-ए-ख़याल फिर ग़नीमत है कि ज़िंदाँ में भी आज़ाद तो हूँ हो सलीक़े से बहकना तो मज़ा देता है मिरे साक़ी को गुमाँ है कि बहुत होश में हूँ जुस्तुजू की कोई मंज़िल जो नहीं है तो न हो हिम्मत-ए-इश्क़ ये कहती है कि बढ़ता ही रहूँ अब तिरे हाल पे तुझ को दिल-ए-नादाँ छोड़ा सोचना भी तो क़यामत है कहाँ तक सोचूँ मैं ने पहचान लिया उस को सर-ए-बज़्म 'रविश' उस की आँखों को है इसरार कि ख़ामोश रहूँ
