nikhat-e-zulf se nindon ko basaa de aa kar — Akhtar Shirani
"nikhat-e-zulf se nindon ko basaa de aa kar meri jaagi hui raaton ko sulaa de aa kar fikr-e-fardaa o gham-e-dosh bhulaa de aa kar phir usi naaz se divaana banaa de aa kar 'ishq ko naghma-e-ummid sunaa de aa kar dil ki soi hui qismat ko jagaa de aa kar kis qadar tiira o taarik hai duniyaa-e-hayaat jalva-e-husn se ik sham' jalaa de aa kar 'ishq ki chaandni raatein mujhe yaad aati hain umr-e-rafta ko miri mujh se milaa de aa kar zindagi ban ke mire dil mein samaa jaa salmaa maut ik parda hai ye parda uThaa de aa kar aag si dil mein lagaa jaataa hai teraa har khat aa mire khirman-e-hasti ko jalaa de aa kar teri furqat mein mire she'r hain kitne ghamgin muskuraati hui nazron se hansaa de aa kar phir vahi ham hon vahi din hon vahi raatein hon ahd-e-rafta ko phir aaina dikhaa de aa kar shauq-e-naadida mein lazzat hai magar naaz nahin aa mire 'ishq ko maghrur banaa de aa kar shab-e-furqat pe miri hanste hain ai khanda-e-nur mere qadmon pe sitaaron ko giraa de aa kar tishna-e-husn huun ai saaqi-mai-khaana-e-husn apne honTon se phir ik jaam pilaa de aa kar kab talak raunaq-e-shaam-e-avadh ai maah-e-ravaan shaam-e-lahore ko bhi subh banaa de aa kar ho chuki sair-e-bahaaraan-kada-e-qaisar-baagh baagh-e-lawrence mein bhi phuul khilaa de aa kar gomti dekh chuki jalva-e-aariz ki bahaar sath-e-raavi ko bhi aaina banaa de aa kar teraa rumaan nayaa khvaab hai 'akhtar' ke liye aa aur is khvaab ki taa'bir bataa de aa kar"
نکہت زلف سے نیندوں کو بسا دے آ کر میری جاگی ہوئی راتوں کو سلا دے آ کر فکر فردا و غم دوش بھلا دے آ کر پھر اسی ناز سے دیوانہ بنا دے آ کر عشق کو نغمۂ امید سنا دے آ کر دل کی سوئی ہوئی قسمت کو جگا دے آ کر کس قدر تیرہ و تاریک ہے دنیائے حیات جلوۂ حسن سے اک شمع جلا دے آ کر عشق کی چاندنی راتیں مجھے یاد آتی ہیں عمر رفتہ کو مری مجھ سے ملا دے آ کر زندگی بن کے مرے دل میں سما جا سلمیٰ موت اک پردہ ہے یہ پردہ اٹھا دے آ کر آگ سی دل میں لگا جاتا ہے تیرا ہر خط آ مرے خرمن ہستی کو جلا دے آ کر تیری فرقت میں مرے شعر ہیں کتنے غمگیں مسکراتی ہوئی نظروں سے ہنسا دے آ کر پھر وہی ہم ہوں وہی دن ہوں وہی راتیں ہوں عہد رفتہ کو پھر آئینہ دکھا دے آ کر شوق نادیدہ میں لذت ہے مگر ناز نہیں آ مرے عشق کو مغرور بنا دے آ کر شب فرقت پہ مری ہنستے ہیں اے خندۂ نور میرے قدموں پہ ستاروں کو گرا دے آ کر تشنۂ حسن ہوں اے ساقی مے خانۂ حسن اپنے ہونٹوں سے پھر اک جام پلا دے آ کر کب تلک رونق شام اودھ اے ماہ رواں شام لاہور کو بھی صبح بنا دے آ کر ہو چکی سیر بہاراں کدۂ قیصر باغ باغ لارنس میں بھی پھول کھلا دے آ کر گومتی دیکھ چکی جلوۂ عارض کی بہار سطح راوی کو بھی آئینہ بنا دے آ کر تیرا رومان نیا خواب ہے اخترؔ کے لیے آ اور اس خواب کی تعبیر بتا دے آ کر
निकहत-ए-ज़ुल्फ़ से नींदों को बसा दे आ कर मेरी जागी हुई रातों को सुला दे आ कर फ़िक्र-ए-फ़र्दा ओ ग़म-ए-दोश भुला दे आ कर फिर उसी नाज़ से दीवाना बना दे आ कर 'इश्क़ को नग़्मा-ए-उम्मीद सुना दे आ कर दिल की सोई हुई क़िस्मत को जगा दे आ कर किस क़दर तीरा ओ तारीक है दुनिया-ए-हयात जल्वा-ए-हुस्न से इक शम' जला दे आ कर 'इश्क़ की चाँदनी रातें मुझे याद आती हैं उम्र-ए-रफ़्ता को मिरी मुझ से मिला दे आ कर ज़िंदगी बन के मिरे दिल में समा जा सलमा मौत इक पर्दा है ये पर्दा उठा दे आ कर आग सी दिल में लगा जाता है तेरा हर ख़त आ मिरे ख़िर्मन-ए-हस्ती को जला दे आ कर तेरी फ़ुर्क़त में मिरे शे'र हैं कितने ग़मगीं मुस्कुराती हुई नज़रों से हँसा दे आ कर फिर वही हम हों वही दिन हों वही रातें हों अहद-ए-रफ़्ता को फिर आईना दिखा दे आ कर शौक़-ए-नादीदा में लज़्ज़त है मगर नाज़ नहीं आ मिरे 'इश्क़ को मग़रूर बना दे आ कर शब-ए-फ़ुर्क़त पे मिरी हँसते हैं ऐ ख़ंदा-ए-नूर मेरे क़दमों पे सितारों को गिरा दे आ कर तिश्ना-ए-हुस्न हूँ ऐ साक़ी-ए-मय-ख़ाना-ए-हुस्न अपने होंटों से फिर इक जाम पिला दे आ कर कब तलक रौनक़-ए-शाम-ए-अवध ऐ माह-ए-रवाँ शाम-ए-लाहौर को भी सुब्ह बना दे आ कर हो चुकी सैर-ए-बहाराँ-कदा-ए-क़ैसर-बाग़ बाग़-ए-लारेंस में भी फूल खिला दे आ कर गोमती देख चुकी जल्वा-ए-आरिज़ की बहार सतह-ए-रावी को भी आईना बना दे आ कर तेरा रूमान नया ख़्वाब है 'अख़्तर' के लिए आ और इस ख़्वाब की ता'बीर बता दे आ कर
