Ghazal
The lyric art form of Urdu poetry — every sher a universe of longing, love, and philosophy
Featured Poets
All Poets →
Trending Ghazals
Ali Tasif
ab main khud ko yaad aanaa chhoD duun
haan ye kaar-e-ahmaqaana chhoD duun
dard likhnaa chhoD duun kaise bhalaa
'umr bhar kaa mehnataana chhoD duun
· · ·
Ali Tasif
ai zindagi bas aur nahin bas sakat nahin
is dil ko sang-e-raah ki surat barat nahin
ruk jaae nabz fikr ke rukte hi kaaenaat
ab tak to meri khaak mein aisi sifat nahin
· · ·
Ali Tasif
aati na agar kaam mire dar-ba-dari bhi
main tark na kar detaa vahin ham-safari bhi
hairaan huun duniyaa ke talab-gaaron pe kyaa kyaa
bhaati hai bhalaa kis ko niri dard-e-sari bhi
· · ·
Ali Tasif
pahle to rasm-o-raah baDhaataa chalaa gayaa
phir aaine se jaan chhuDaataa chalaa gayaa
kal to havaa ki ek bhi chalne na di gai
kuchh ism paDh ke diip jalaataa chalaa gayaa
· · ·
Ali Tasif
hamvaar khinch kar kabhi dushvaar khinch kar
tang aa chukaa huun saans lagaataar khinch kar
maidaan mein gar na aataa main talvaar khinch kar
le jaate log misr ke baazaar khinch kar
· · ·
Ali Tasif
kaam hirs-o-havas kaa thoDi hai
'ishq har ik ke bas kaa thoDi hai
vo miri dastaras mein hai lekin
masala dastaras kaa thoDi hai
· · ·
Ali Tasif
jaise khaamosh-bayaani ko bayaan hone mein
'umr lagti hai yahaan zamzama-khvaan hone mein
itnaa aasaan na samajh jaan nikal jaati hai
raah-e-pur-khaar pe is tarh ravaan hone mein
· · ·
Ali Tasif
zarre zarre mein nihaan ek nagin thaa pahle
lekin is dasht mein dil aur kahin thaa pahle
aasmaan mujh ko kahaan sarf kiye jaataa hai
mujh ko is baat kaa ehsaas nahin thaa pahle
· · ·
Ali Tasif
khultaa hai kisi par to kisi par nahin khultaa
ham-raaz 'ajab hai ki hami par nahin khultaa
tum saath ho mere ki mire saath nahin ho
ye kaisaa izaafa hai kami par nahin khultaa
· · ·
Ali Tasif
ek muflis kaa guzar baazaar se hotaa huaa
khud kahaani ban gayaa kirdaar se hotaa huaa
phal to kyaa saae pe us ke haq nahin meraa koi
jo shajar ghar aa gayaa divaar se hotaa huaa
· · ·
Ali Tasif
meri shohrat na tabi'at na Thikaana achchhaa
mere baare mein use kuchh na bataanaa achchhaa
paar to mujh ko du'aaein bhi lagaa sakti hain
main samajhtaa huun magar tair ke jaanaa achchhaa
· · ·
Ali Tasif
faqat jast bharne talak masala hai
kahaan phir ye naan-o-namak masala hai
paDi hogi gudDi ke niche hi duniyaa
uThaa le uThaa ke khisak masala hai
· · ·