Siraj Aurangabadi

تری زلف زنار کا تار ہے کہ جس تار میں دل گرفتار ہے کرشمے کے لشکر میں وو شاہ حسن صف خوب رویاں کا سردار ہے تلطف سیں پوچھے گا کب درد دل ستمگر ہے سرکش ہے عیار ہے جسے دل خراشی نہیں عشق کی طریق محبت میں بے کار ہے سجن لطف کر نرگس باغ پر تری چشم مے گوں کا بیمار ہے شفا دے مجھے مرہم وصل سوں جگر پر مرے ہجر کا وار ہے شب ہجر میں گل بدن کے سراجؔ نظر میں مری شمع جیوں خار ہے

tiri zulf zunnaar kaa taar hai

2 views

سیماب جل گیا تو اسے گرد بولئے عاشق فنا ہوا تو اسے مرد بولئے شربت کوں خون دل کے پیو زہر کا سا گھونٹ ایسا طبیب کاں ہے جسے درد بولئے ہے کیا کتاب مطلع انوار رخ ترا سورج کوں جس کا یک ورق زرد بولئے جیوں بو ہوئے ہیں محو ہر یک رنگ گل میں ہم اے بلبلو صدائے انا الورد بولئے البتہ ہووے مطلع دیوان آفتاب تجھ حسن کی صفت میں اگر فرد بولئے بازی ہے جان ہجر ہے ہار اور وصال جیت غم ہے بساط دل کوں مرے نرد بولئے ہے آگ عاشقوں کا دم سرد اے سراجؔ اور آگ کی لپٹ کوں دم سرد بولئے

simaab jal gayaa to use gard boliye

2 views

عشق میں اول فنا درکار ہے دل سیں ترک ماسوا درکار ہے ترک مقصد عین مقصد ہے اسے جس کوں دل کا مدعا درکار ہے دل بتنگ آیا ہے اب لازم ہے آہ غنچۂ گل کوں صبا درکار ہے زخمیٔ غم کیوں نہ کھینچے آہ درد حلق بسمل کوں صدا درکار ہے وصف زلف یار کا آساں نہیں رشتۂ فکر رسا درکار ہے ہے لب ساقی میں چشمہ خضر کا گر تجھے آب بقا درکار ہے رنگ میرا کان زر ہے اے صنم مجھ سیں آ مل گر طلا درکار ہے گوشۂ ابرو دکھا اے قبلہ رو مجھ کوں محراب دعا درکار ہے دل رقیبوں کا جلانے اے سراجؔ آتشیں رو دل ربا درکار ہے

ishq mein avval fanaa darkaar hai

2 views

کہاں ہے گل بدن موہن پیارا کہ جیوں بلبل ہے نالاں دل ہمارا بساط عشق بازی میں مرا دل متاع صبر و نقد و ہوش ہارا تغافل ترک کر اے شوخ بے باک تلطف کر نوازش کر مدارا ہزارے کا نہیں ہے ذوق مجھ کوں کیا ہوں جب سیں تجھ مکھ کا نظارا سنا ہے جب سیں تیرے حسن کا شور لیا زاہد نے مسجد کا کنارا شب ہجرت میں اس مہتاب رو کی ہر اک آنسو ہوا روشن ستارا سراجؔ اس شمع رو نے ان دنوں میں لیا ہے سب پتنگوں کا اجارا

kahaan hai gul-badan mohan piyaaraa

2 views

تری نگاہ تلطف نے فیض عام کیا خرد کے شہر کے سب وحشیوں کوں رام کیا اگرچہ تیر پلک نے کیا تھا دل برما ولے نگاہ کے خنجر نے خوب کام کیا ترے سلام کے دھج دیکھ کر مرے دل نے شتاب آ کہ مجھے رخصتی سلام کیا نہ جانوں عشق کی بجلی کدھر سیں آئی ہے کہ مجھ جگر کے کھلے کوں جلا تمام کیا اسی کے ہاتھ میں ہے خاتم سلیمانی نگین دل پہ جو نقش اس صنم کا نام کیا مجھے نگاہ تغافل رقیب پر الطاف ادائے مصلحت آمیز نے غلام کیا اے آفتاب تری ظلمت جدائی میں سراجؔ آہ سحر کوں چراغ شام کیا

tiri nigaah-e-talattuf ne faiz aam kiyaa

2 views

فصل گل کا غم دل ناشاد پر باقی رہا حشر لگ یہ مظلمہ صیاد پر باقی رہا کھول کر زلفوں کوں آیا سرو قد جب باغ میں نقش حیرت طرۂ شمشاد پر باقی رہا جل گیا پروانہ پن مجھ سا سمندر خو نہیں یہ سخن شاگرد کا استاد پر باقی رہا عاشقی میں کب روا ہے اس طرح کی ظالمی خون شیریں گردن فرہاد پر باقی رہا رہ گئے ذوق تبسم میں تغافل کے شہید بسملوں کا خوں بہا جلاد پر باقی رہا الفت لیلیٰ نے مجنوں کا مٹایا سب نشاں نام اس کا صفحۂ ایجاد پر باقی رہا کھول چشم لطف دے جاگیر مقصود سراجؔ شمع رو پروانہ دل صیاد پر باقی رہا

fasl-e-gul kaa gham dil-e-naashaad par baaqi rahaa

2 views