jis ke pairon tale zamin nahin — Abdul Majeed Khan Majeed

nahin milti unhein manzil jinhein khauf-e-havaadis hai
jo maujon se nahin Darte nadi ko paar karte hain

zindagi chhoTi hai saamaan bahut
aur dil ke bhi hain armaan bahut

ab charaaghon mein zindagi kam hai
dil jalaao ki raushni kam hai

bevafaa kahiye baa-vafaa kahiye
dil mein aae jo barmalaa kahiye

na jaane kis ki yaad ne li dil mein gudgudi
aaina dekh dekh ke sharmaa rahe hain ham

kahaan shikva zamaane kaa pas-e-divaar karte hain
hamein karnaa hai jo bhi ham sar-e-baazaar karte hain