abhi se tujh ko paDi hai visaal ki miri jaan — Abdurrahman Momin

kaisi ajiib baat hai tu saamne thaa aur
main tere saamne bhi kisi aur se milaa

— Abdurrahman Momin

aaj suraj ne kah diyaa 'momin'
tu jalegaa to raushni hogi

— Abdurrahman Momin

ve saamne se jaa chukaa to ye khulaa
vo khvaab lag rahaa thaa khvaab thaa nahin

— Abdurrahman Momin

jaane kyaa kah rahaa thaa vo mujh se
main ne bhi kah diyaa ki khush huun main

— Abdurrahman Momin

khvaab mere churaa liye us ne
jis ko main ne udhaar diin aankhein

— Abdurrahman Momin

yaad aate hain ve din bahut
kyon na ve din dobaaraa karein

— Abdurrahman Momin

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

— Ahmad Faraz

kahun ai zauq kyaa haal-e-shab-e-hijr
ki thi ik ik ghaDi sau sau mahine

— Anwar Masood

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

— Zahid Masood

kahaan ke ishq-o-mohabbat kidhar ke hijr o visaal
abhi to log taraste hain zindagi ke liye

— Zehra Nigaah

hijr mein shiddat dikhaate hain sabhi 'aashiq magar
lutf tab hai vasl ho par aarzu baaqi rahe

— Euphonic Amit

dard ki lahr mein zindagi bah gai
umr yuun kaT gai hijr ki shaam mein

— Najma Shaheen Khosa