khvaab mere churaa liye us ne — Abdurrahman Momin

chaand mein tu nazar aayaa thaa mujhe
main ne mahtaab nahin dekhaa thaa

khud ko kitnaa bhulaa diyaa main ne
tu bhi ab ajnabi saa lagtaa hai

sitam to ye hai ki main ne use bhi chhoD diyaa
jo sab ko chhoD ke tanhaa khaDaa hai mere saath

zakhm khaa kar bhi jo duaaein de
kaun us kaa muqaabla karegaa

tum se mil kar main us ko bhuul gayaa
jis ne tum se mujhe milaayaa hai

jaane kyaa kah rahaa thaa vo mujh se
main ne bhi kah diyaa ki khush huun main

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

har ek shakhs yahaan mahv-e-khvaab lagtaa hai
kisi ne ham ko jagaayaa nahin bahut din se

ham kis ko dikhaate shab-e-furqat ki udaasi
sab khvaab mein the raat ko bedaar hamin the

kunein ki samt bulaa le na koi khvaab mujhe
main apne baap kaa sab se hasin beTaa huun

tere khvaabon ki lat lagi jab se
raat kaa intizaar rahtaa hai