yaad aate hain ve din bahut — Abdurrahman Momin

kaisi ajiib baat hai tu saamne thaa aur
main tere saamne bhi kisi aur se milaa

aaj suraj ne kah diyaa 'momin'
tu jalegaa to raushni hogi

ve saamne se jaa chukaa to ye khulaa
vo khvaab lag rahaa thaa khvaab thaa nahin

jaane kyaa kah rahaa thaa vo mujh se
main ne bhi kah diyaa ki khush huun main

khvaab mere churaa liye us ne
jis ko main ne udhaar diin aankhein

abhi se tujh ko paDi hai visaal ki miri jaan
abhi to hijr ne unvaan hi nahin paayaa

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

mere khvaabon ke jharokon ko sajaate rahiye
na sahi vasl magar yaad to aate rahiye

koi viraani si viraani hai
dasht ko dekh ke ghar yaad aayaa

yaad aai hai to phir TuuT ke yaad aai hai
koi guzri hui manzil koi bhuli hui dost

phir mujhe dida-e-tar yaad aayaa
dil jigar tishna-e-fariyaad aayaa

uThaa sakte nahin jab chuum kar hi chhoDnaa achchhaa
mohabbat kaa ye patthar is dafa bhaari ziyaada hai