shaayad tumhaari yaad mire paas aa gai — Abrar Azmi

main ne kal toDaa ik aaina to mahsus huaa
is mein poshida koi chiiz thi jauhar jaisi

— Abrar Azmi

khushnumaa divaar-o-dar ke khvaab hi dekhaa kiye
jism sahraa zehn viraan aankh giili ho gai

— Abrar Azmi

kamre mein dhuaan dard ki pahchaan banaa thaa
kal raat koi phir miraa mehmaan banaa thaa

— Abrar Azmi

parinde fazaaon mein phir kho gae
dhuaan hi dhuaan aashiyaanon mein thaa

— Abrar Azmi

tamaam raat vo pahlu ko garm kartaa rahaa
kisi ki yaad kaa nashsha sharaab jaisaa thaa

— Abrar Azmi

mujhe bhi fursat-e-nazzaara-e-jamaal na thi
aur us ko paas kisi aur ke bhi jaanaa thaa

— Abrar Azmi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

intihaa ke qarib hai duniyaa
aadmi aakhiri sadi kaa huun

— Zubair Khayali

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

husn jalva dikhaa gayaa apnaa
ishq baiThaa rahaa udaas kahin

— Saifuddin Saif