intihaa ke qarib hai duniyaa — Zubair Khayali

fan pe chaahe 'ubur ho haasil
ek khaami hunar mein rahti hai

— Zubair Khayali

gard-aalud hain kitaabein sab
mar rahi hai asaas kamre mein

— Zubair Khayali

'ajab haalat hui apni ganvaa kar ek shai ko
use DhunDaa vahaan par bhi jahaan rakkhaa nahin thaa

— Zubair Khayali

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi