javaab aae na aae shikan to aaegi — Ahmad Sageer

zard mausam ne darakhton ki zabaan sil di thi
phir koi phuul hansaa aur khizaan haar gai

— Ahmad Sageer

khudaa-yaa apne kun ki laaj rakh le
tiraa shahkaar zaae' ho rahaa hai

— Ahmad Sageer

dastaras mein na rahe lafz-gari behtar hai
ham agar bol paDeinge to bahut boleinge

— Ahmad Sageer

ajnabiyyat ki jhalak dekhi gai lahje mein
baat Darne ki hai is baat pe Dar jaaiye naa

— Ahmad Sageer

khurach khurach ke tujhe zehn se miTaaungaa
main apne hosh ke naakhun zaraa baDhaa to luun

— Ahmad Sageer

zard chehron se udaasi ke bichhaDne kaa sabab
log puchheinge to kah denaa ki dukh haar gayaa

— Ahmad Sageer

leaderi chaaho to lafz-e-qaum hai mehmaan-navaaz
gap-navison ko aur ahl-e-mez ko raazi karo

— Akbar Allahabadi

donon ke dil mein khauf thaa maidaan-e-jang mein
donon kaa khauf faasla thaa darmiyaan kaa

— Mohammad Alvi

nae manzar ke khvaabon se bhi Dar lagtaa hai un ko
puraane manzaron se jin ki aankhein kaT chuki hain

— Khushbir Singh Shaad

yahi milne kaa samay bhi hai bichhaDne kaa bhi
mujh ko lagtaa hai bahut apne se Dar shaam ke baad

— Krishn Bihari Noor

pahle chingaari se ik shola banaataa hai mujhe
phir vahi tez havaaon se Daraataa hai mujhe

— Obaidullah Siddiqui

leaderon ki dhuum hai aur follower koi nahin
sab to general hain yahaan aakhir sipaahi kaun hai

— Akbar Allahabadi