dil ke zakhmon ko sajaane kaa hunar rakhtaa huun — Ameer Nehtauri

vaqaar-e-shauq se gir kar bhi vaar mat karnaa
mile jo zakhmi parinda shikaar mat karnaa

— Ameer Nehtauri

dard ne li angDaai aisi
zakhm kaa ik ik Taankaa TuuTaa

— Ameer Nehtauri

ham apne zakhmon pe rakh lein namak zaruri hai
dayaar-e-ishq mein un ki mahak zaruri hai

— Ameer Nehtauri

hogi na chaaraagar tiri tadbir kaargar
ham ko khud apne zakhmon ki chaahat hai aaj-kal

— Ameer Nehtauri

furqat ki shab khaamoshiyaan zakhmon ki phir angDaaiyaan
aankhein jab apni nam huiin bechaargi achchhi lagi

— Ameer Nehtauri

ruuh se lipTe dard ke manzar
TuuT rahe hain zakhm ke paikar

— Ameer Nehtauri

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

koi viraani si viraani hai
dasht ko dekh ke ghar yaad aayaa

— Mirza Ghalib

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

sayyaad teraa ghar mujhe jannat sahi magar
jannat se bhi sivaa mujhe raahat chaman mein thi

— Riyaz Khairabadi

is zindagi mein itni faraaghat kise nasib
itnaa na yaad aa ki tujhe bhuul jaaein ham

— Ahmad Faraz