ham ko bachpan hi se ik shauq thaa barbaadi se — Ameer Raza Mazhari

tum kisi ke bhi ho nahin sakte
tum ko apnaa banaa ke dekh liyaa

— Ameer Raza Mazhari

ham hain un se vo ghair se maayus
kyaa mohabbat kisi ko raas nahin

— Ameer Raza Mazhari

kyaa taajjub hai jo yaaron ne rifaaqat chhoDi
baiThtaa kaun hai girti hui divaar ke paas

— Ameer Raza Mazhari

dekhne vaale samajhte hain shanaasaa bhi nahin
aaj begaane nazar aate hain ham tum kitne

— Ameer Raza Mazhari

hamaare baa'd sunnaa dusron se
kahaani ye abhi puuri nahin hai

— Ameer Raza Mazhari

ham bane the tabaah hone ko
aap kaa ishq to bahaana thaa

— Ameer Raza Mazhari

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

raat yuun dil mein tiri khoi hui yaad aai
jaise viraane mein chupke se bahaar aa jaae

— Faiz Ahmad Faiz

hai kuchh to baat 'momin' jo chhaa gai khamoshi
kis but ko de diyaa dil kyuun but se ban gae ho

— Momin Khan Momin

main us ko dekh ke chup thaa usi ki shaadi mein
mazaa to saaraa isi rasm ke nibaah mein thaa

— Muneer Niyazi

vo to bachchon ki patangon ne use gher liyaa
varna chupke se nikal jaati bahaar aai hui

— Rauf Raza

zaraa labon ke tabassum se bazm garmaaein
hamein to aap ki aankhon ki chup ne maar diyaa

— Shahzad Ahmad