khushbuein phuuT ke roi hongi — Anjum Ludhianvi

dhuup nikli hai baarishon ke baad
vo abhi ro ke muskuraae hain

— Anjum Ludhianvi

dosti bandagi vafaa-o-khulus
ham ye shama jalaanaa bhuul gae

— Anjum Ludhianvi

niind kyuun TuuT gai aakhir-e-shab
kaun mere liye taDpaa hogaa

— Anjum Ludhianvi

khud-kushi karne mein bhi naakaam rah jaate hain ham
kaun amrit ghol detaa hai hamaare zahr mein

— Anjum Ludhianvi

rang hi se fareb khaate rahein
khushbuein aazmaanaa bhuul gae

— Anjum Ludhianvi

subh kaa khvaab umr bhar dekhaa
aur phir niind aa gai 'anjum'

— Anjum Ludhianvi

jhaankte raat ke garebaan se
ham ne sau aaftaab dekhe hain

— Salman Akhtar

shor din ko nahin sone detaa
shab ko sannaaTaa jagaa detaa hai

— Saifuddin Saif

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

aadhi se ziyaada shab-e-gham kaaT chukaa huun
ab bhi agar aa jaao to ye raat baDi hai

— Saqib Lakhnavi

ai soz-e-jaan-gudaaz abhi main javaan huun
ai dard-e-laa-ilaaj ye umr-e-shabaab hai

— Akhtar Ansari

us ko sochun to dhyaan mein mere
khushbu aati hai pahli baarish ki

— Vibha Jain 'Khwaab'