saari shafaq sameT ke suraj chalaa gayaa — Anwar Siddiqui

ujaalti nahin ab mujh ko koi taariki
sanvaartaa nahin ab koi haadsa mujh ko

— Anwar Siddiqui

Duboe detaa hai khud-aagahi kaa baar mujhe
main Dhaltaa nashsha huun mauj-e-tarab ubhaar mujhe

— Anwar Siddiqui

bikhar ke TuuT gae ham bikharti duniyaa mein
khud-aafrini kaa saudaa hamaare sar mein thaa

— Anwar Siddiqui

kitne subuk-dil hue tujh se bichhaDne ke baad
un se bhi milnaa paDaa jin se mohabbat na thi

— Anwar Siddiqui

jhaankte raat ke garebaan se
ham ne sau aaftaab dekhe hain

— Salman Akhtar

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

shor din ko nahin sone detaa
shab ko sannaaTaa jagaa detaa hai

— Saifuddin Saif

divaangi meri ke tahayyur mein shab-o-roz
hai halqa-e-zanjir se zindaan hama-tan-chashm

— Nazeer Akbar Abadi

kahun ai zauq kyaa haal-e-shab-e-hijr
ki thi ik ik ghaDi sau sau mahine

— Anwar Masood

us ko aanaa thaa ki vo mujh ko bulaataa thaa kahin
raat bhar baarish thi us kaa raat bhar paighaam thaa

— Zafar Iqbal