khirad ki aag mein sadiyon jale badan lekin — Aqeel Shadab

zindagi jis ke tasavvur mein basar ki ham ne
haae vo shakhs haqiqat mein kahaani niklaa

— Aqeel Shadab

miri talaash mein hai koi aisaa lagtaa hai
kisi kaa gum-shuda 'shaadaab' rakht huun shaayad

— Aqeel Shadab

jo apne aap se baDh kar hamaaraa apnaa thaa
use qarib se dekhaa to duur kaa niklaa

— Aqeel Shadab

shaayad koi kami mere andar kahin pe hai
main aasmaan pe huun miraa saaya zamin pe hai

— Aqeel Shadab

mujhe kisi ne sunaa hi nahin tavajjoh se
main bad-zabaan sadaa-e-karakht huun shaayad

— Aqeel Shadab

aandhiyaan sab kuchh uDaa kar le gaiin
peD par patta na phal daaman mein thaa

— Aqeel Shadab

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

husn jalva dikhaa gayaa apnaa
ishq baiThaa rahaa udaas kahin

— Saifuddin Saif