miri talaash mein hai koi aisaa lagtaa hai — Aqeel Shadab

khirad ki aag mein sadiyon jale badan lekin
dil-o-dimaagh se bu-e-munaafirat na gai

zindagi jis ke tasavvur mein basar ki ham ne
haae vo shakhs haqiqat mein kahaani niklaa

jo apne aap se baDh kar hamaaraa apnaa thaa
use qarib se dekhaa to duur kaa niklaa

shaayad koi kami mere andar kahin pe hai
main aasmaan pe huun miraa saaya zamin pe hai

mujhe kisi ne sunaa hi nahin tavajjoh se
main bad-zabaan sadaa-e-karakht huun shaayad

aandhiyaan sab kuchh uDaa kar le gaiin
peD par patta na phal daaman mein thaa