din ki aankhein band hui hain — Arifa Shahzad

tujhe aaghaaz hi se paDh liyaa thaa
tire chehre pe sab likhaa huaa thaa

— Arifa Shahzad

nashtar jaisaa andar ik chubhtaa kaanTaa hai
jaane us ne dukh baanTaa yaa dil baanTaa hai

— Arifa Shahzad

ab bhi mat puchh mire dil mein hai kyaa rahne de
baat vaise bhi nahin tujh ko bataane vaali

— Arifa Shahzad

sab mumkin hai farz hi kar lo
khushbu apni ok mein bhar lo

— Arifa Shahzad

khvaab mein jaagti be-khvaabi pataa puchhti hai
kyaa kahein niind bhi hoti hai sulaane vaali

— Arifa Shahzad

jhaankte raat ke garebaan se
ham ne sau aaftaab dekhe hain

— Salman Akhtar

shor din ko nahin sone detaa
shab ko sannaaTaa jagaa detaa hai

— Saifuddin Saif

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

bahut hasin raat hai magar tum to so rahe ho
nikal ke kamre se ik nazar chaandni to dekho

— Shariq Kaifi

divaangi meri ke tahayyur mein shab-o-roz
hai halqa-e-zanjir se zindaan hama-tan-chashm

— Nazeer Akbar Abadi

kal yahi bachche samundar ko muqaabil paaeinge
aaj tairaate hain jo kaaghaz ki nannhi kashtiyaan

— Hasan Akbar Kamal