zamaane bhar ne kahaa 'arsh' jo, khushi se sahaa — Arsh Siddiqui

vo ayaadat ko to aayaa thaa magar jaate hue
apni tasvirein bhi kamre se uThaa kar le gayaa

— Arsh Siddiqui

ek lamhe ko tum mile the magar
umr bhar dil ko ham masalte rahe

— Arsh Siddiqui

ik teri be-rukhi se zamaana khafaa huaa
ai sang-dil tujhe bhi khabar hai ki kyaa huaa

— Arsh Siddiqui

haan samundar mein utar lekin ubharne ki bhi soch
Dubne se pahle gahraai kaa andaaza lagaa

— Arsh Siddiqui

ham ki maayus nahin hain unhein paa hi leinge
log kahte hain ki DhunDe se khudaa miltaa hai

— Arsh Siddiqui

bas yunhi tanhaa rahungaa is safar mein umr bhar
jis taraf koi nahin jaataa udhar jaataa huun main

— Arsh Siddiqui

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar