ashk palkon pe bichhaD kar apni qimat kho gayaa — Ateeq Anzar

use dekhne ki thi aarzu mujhe us ki thi baDi justuju
magar us ke aariz-e-naaz pe miri har nigaah phisal gai

— Ateeq Anzar

shaam ke dhundlakon mein Dubtaa hai yuun suraj
jaise aarzu koi mere dil mein marti hai

— Ateeq Anzar

bichhaDte vaqt anaa darmiyaan thi varna
manaanaa donon ne ik dusre ko chaahaa thaa

— Ateeq Anzar

gaanv ke parinde tum ko kyaa pataa bideson mein
raat ham akelon ki kis tarah guzarti hai

— Ateeq Anzar

gham ki band muTThi mein ret saa miraa jivan
jab zaraa kasi muTThi zindagi bikharti hai

— Ateeq Anzar

kisi ne bhejaa hai khat pyaar aur vafaa likh kar
qalam se kaam diyaa hai mujhe khudaa likh kar

— Ateeq Anzar

zamaana laakh sitaaron ko chhu ke aa jaae
abhi dilon ko magar haajat-e-rafu hai vahi

— Khaleel Tanveer

kuchh aur din abhi is jaa qayaam karnaa thaa
yahaan charaagh vahaan par sitaara dharnaa thaa

— Ateequllah

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

— Zahid Masood

taa-falak le gai betaabi-e-dil tab bole
hazrat-e-ishq ki pahlaa hai ye ziinaa apnaa

— Jurat Qalandar Bakhsh

dekh kar sitaaron ko mujh ko to ye lagtaa hai
duur aasmaanon mein cigarettein sulagti hain

— Pragya Sharma

suraj sitaare chaand mire saath mein rahe
jab tak tumhaare haath mire haath mein rahe

— Rahat Indori