libaas dekh ke itnaa hamein gharib na jaan — Azeem Haider Syed

ai shaam-e-hijr-e-yaar miri tu gavaahi de
main tere saath saath rahaa ghar nahin gayaa

— Azeem Haider Syed

isi liye to haar kaa huaa nahin malaal tak
vo mere saath saath thaa uruuj se zavaal tak

— Azeem Haider Syed

chaman ujaaDne vaalo tumhein khudaa samjhe
tumhein na aai hayaa phuul to hamaare gae

— Azeem Haider Syed

baazaar-e-aarzu mein kaTi jaa rahi hai umr
ham ko kharid le vo kharidaar chaahiye

— Azeem Haider Syed

tu ne bhi saare zakhm kisi taur sah liye
main bhi bichhaD ke ji hi liyaa mar nahin gayaa

— Azeem Haider Syed

dene vaale tu mujhe niind na de khvaab to de
mujh ko mahtaab se aage bhi kahin jaanaa hai

— Azeem Haider Syed

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

husn jalva dikhaa gayaa apnaa
ishq baiThaa rahaa udaas kahin

— Saifuddin Saif