apne liye hi mushkil hai — Aziz Ansari

ye apni bebasi hai yaa ki apni be-hisi yaaro
hai apnaa haath un ke saamne jo khud bhikaari hain

— Aziz Ansari

amn aur aashti se us ko kyaa
us kaa maqsad to intishaar mein hai

— Aziz Ansari

hamaari muflisi aavaargi pe tum ko hairat kyuun
hamaare paas jo kuchh hai vo saughaatein tumhaari hain

— Aziz Ansari

apni anaa ki aaj bhi taskin ham ne ki
ji bhar ke us ke husn ki tauhin ham ne ki

— Iqbal Sajid

kyon tasavvur mein ji rahaa huun main
jab haqiqat mein mar hi jaanaa hai

— Divyansh Rawat

ghurur bhi jo karun main to aajizi ho jaae
khudi mein lutf vo aae ki be-khudi ho jaae

— Riyaz Khairabadi

jab talak shisha rahaa main baar-haa toDaa gayaa
ban gayaa patthar to sab ne devtaa maanaa mujhe

— Shams Deobandi

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha