amn aur aashti se us ko kyaa — Aziz Ansari

ye apni bebasi hai yaa ki apni be-hisi yaaro
hai apnaa haath un ke saamne jo khud bhikaari hain

hamaari muflisi aavaargi pe tum ko hairat kyuun
hamaare paas jo kuchh hai vo saughaatein tumhaari hain

apne liye hi mushkil hai
izzat se ji paanaa bhi

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

chalaa jaaungaa jaise khud ko tanhaa chhoD kar 'alvi'
main apne aap ko raaton mein uTh kar dekh letaa huun

gham bahut din muft ki khaataa rahaa
ab use dil se nikaalaa chaahiye

raat mili tanhaai mili aur jaam milaa
ghar se nikle to kyaa kyaa aaraam milaa