maut pahron udaas rahti hai — Azmat Abdul Qayyum Khan

aabaad mai-kade bhi hain dair-o-haram bhi nahin
lekin na aadmi ko milaa koi aadmi

— Azmat Abdul Qayyum Khan

raushniyon ke shahar mein rah kar
ham andheron se ru-shanaas rahe

— Azmat Abdul Qayyum Khan

manzil pe nazar aai bahut duri-e-manzil
be-saakhta aane lage sab raah-numaa yaad

— Azmat Abdul Qayyum Khan

ab zamaane se aur kyaa maangun
daulat-e-gham bahut ziyaada hai

— Azmat Abdul Qayyum Khan

zindagaani kaa lutf to 'azmat'
sirf tufaan ki panaah mein hai

— Azmat Abdul Qayyum Khan

jo bijliyon ki panaahon mein tum banaa sakte
to is qadar na tumhein khauf-e-aashiyaan hotaa

— Azmat Abdul Qayyum Khan

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq