thakan se chuur hai saaraa vajud ab meraa — Babar Rehman Shah

kisi ke jaal mein aa kar main apnaa dil ganvaa baiThaa
mujhe thaa ishq qaatil se main apnaa sar kaTaa baiThaa

— Babar Rehman Shah

ai pari-zaad tere jaane par
ho gayaa khud se raabta meraa

— Babar Rehman Shah

aatish-e-ishq jab jalaati hai
jal ke main nosh-e-jaam kartaa huun

— Babar Rehman Shah

dil ne ham se ajab hi kaam liyaa
ham ko bechaa magar na daam liyaa

— Babar Rehman Shah

muflisi ne jaa-ba-jaa luuTaa hamein
ab bachaa kuchh bhi nahin luTvaaein kyaa

— Babar Rehman Shah

dil se aakhir charaagh-e-vasl bujhaa
kyaa tamannaa ne intiqaam liyaa

— Babar Rehman Shah

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

husn jalva dikhaa gayaa apnaa
ishq baiThaa rahaa udaas kahin

— Saifuddin Saif