rahegaa kis kaa hissa beshtar mere miTaane mein — Barq Dehlvi

din-raat paDaa rahtaa huun darvaaze pe apne
is gham mein ki koi kabhi aataa thaa idhar se

— Barq Dehlvi

shab-e-furqat nazar aate nahin aasaar-e-sahar
itni zulmat hai rukh-e-shama pe bhi nuur nahin

— Barq Dehlvi

sar-ba-kaf hind ke jaan-baaz-e-vatan laDte hain
tegh-e-nau le saf-e-dushman mein ghuse paDte hain

— Barq Dehlvi

tere didaar se main aankh uThaaun kyunkar
zulf se paa-e-nazar halqa-e-zanjir mein hai

— Barq Dehlvi

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

aasmaan jhaank rahaa hai 'khaalid'
chaand kamre mein mire utraa hai

— Khalid Sharif

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar