din-raat paDaa rahtaa huun darvaaze pe apne — Barq Dehlvi

shab-e-furqat nazar aate nahin aasaar-e-sahar
itni zulmat hai rukh-e-shama pe bhi nuur nahin

sar-ba-kaf hind ke jaan-baaz-e-vatan laDte hain
tegh-e-nau le saf-e-dushman mein ghuse paDte hain

rahegaa kis kaa hissa beshtar mere miTaane mein
ye baaham faisla pahle zamin o aasmaan kar lein

tere didaar se main aankh uThaaun kyunkar
zulf se paa-e-nazar halqa-e-zanjir mein hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

vo sang-dil angusht-ba-dandaan nazar aave
aisaa koi sadma miri jaan par nahin hotaa

deri se milne kaa jo gham tujh ko pareshaan kar rahaa
ai dost ham bhi hain usi taakhir ke maare hue

dhuup jaaDaa dard duniyaa bhuuk patthar pyaas aansu
jaane kis kis se milaa huun zindagi tere liye