pyaar ke bandhan khuun ke rishte TuuT gae khvaabon ki tarah — Bashar Nawaz

karoge yaad to har baat yaad aaegi
guzarte vaqt ki har mauj Thahar jaaegi

— Bashar Nawaz

de nishaani koi aisi ki sadaa yaad rahe
zakhm ki baat hai kyaa zakhm to bhar jaaeinge

— Bashar Nawaz

ye ehtimaam-e-charaaghaan bajaa sahi lekin
sahar to ho nahin sakti diye jalaane se

— Bashar Nawaz

kahte kahte kuchh badal detaa hai kyuun baaton kaa rukh
kyuun khud apne-aap ke bhi saath vo sachchaa nahin

— Bashar Nawaz

jaane kin rishton ne mujh ko baandh rakkhaa hai ki main
muddaton se aandhiyon ki zad mein huun bikhraa nahin

— Bashar Nawaz

koi yaadon se joD le ham ko
ham bhi ik TuTtaa saa rishta hain

— Bashar Nawaz

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi