ai jazba-e-dil gar main chaahun har chiiz muqaabil aa jaae — Behzad Lakhnavi

go muddatein hui hain kisi se judaa hue
lekin ye dil ki aag abhi tak bujhi nahin

— Behzad Lakhnavi

ishq kaa ejaaz sajdon mein nihaan rakhtaa huun main
naqsh-e-paa hoti hai peshaani jahaan rakhtaa huun main

— Behzad Lakhnavi

ham bhi khud ko tabaah kar lete
tum idhar bhi nigaah kar lete

— Behzad Lakhnavi

ai dekhne vaalo mujhe hans hans ke na dekho
tum ko bhi mohabbat kahin mujh saa na banaa de

— Behzad Lakhnavi

'bahzaad' saaf saaf main kahtaa huun haal-e-dil
sharminda-e-kamaal miri shaairi nahin

— Behzad Lakhnavi

zinda huun is tarah ki gham-e-zindagi nahin
jaltaa huaa diyaa huun magar raushni nahin

— Behzad Lakhnavi

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

— Ahmad Faraz

chalne kaa hausla nahin ruknaa muhaal kar diyaa
ishq ke is safar ne to mujh ko niDhaal kar diyaa

— Parveen Shakir

maqaam-e-shauq tire qudsiyon ke bas kaa nahin
unhin kaa kaam hai ye jin ke hausle hain ziyaad

— Allama Iqbal

hausla kis mein hai yusuf ki kharidaari kaa
ab to mahngaai ke charche hain zulekhaaon mein

— Qateel Shifai

qadam-qadam pe tire rokne ki koshish ne
qadam-qadam pe miraa hausla baDhaayaa hai

— Ameeta Parsuram Meeta

kuchh kaTi himmat-e-savaal mein umr
kuchh umid-e-javaab mein guzri

— Fani Badayuni