jaane kyaa kuchh hai aaj hone ko — Bilqis Zafirul Hasan

teri to 'bilqis' niraali hi baatein hain
is duniyaa mein kaise tiraa guzaaraa hogaa

— Bilqis Zafirul Hasan

apni to koi baat banaae nahin bani
kuchh ham na kah sake to kuchh us ne nahin suni

— Bilqis Zafirul Hasan

hai yuun ki kuchh to baghaavat-sirisht ham bhi hain
sitam bhi us ne zarurat se kuchh ziyaada kiyaa

— Bilqis Zafirul Hasan

uTh kar chale gae to kabhi phir na aaeinge
phir laakh tum bulaao sadaaein diyaa karo

— Bilqis Zafirul Hasan

dahshat-zada zamin par vahshat bhare makaan ye
is shahr-e-be-amaan kaa aakhir koi khudaa hai

— Bilqis Zafirul Hasan

dar badar ki khaak thi taqdir mein
ham liye kaandhon pe ghar chalte rahe

— Bilqis Zafirul Hasan

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

kisi se ishq apnaa kyaa chhupaaein
mohabbat Tapki paDti hai nazar se

— Meer Mehdi Majrooh

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi