aarzu lutf talab ishq saraasar naakaam — Dil Shahjahanpuri

ham ko bechain kiye jaate hain
haae kyaa shai vo liye jaate hain

— Dil Shahjahanpuri

ye bhigi raat ye ThanDaa samaan ye kaif-e-bahaar
ye koi vaqt hai pahlu se uTh ke jaane kaa

— Dil Shahjahanpuri

vaqt-e-rukhsat tasalliyaan de kar
aur bhi tum ne be-qaraar kiyaa

— Dil Shahjahanpuri

mai-e-kausar kaa asar chashm-e-siyah-faam mein hai
saaqi-e-mast ajab kaif tire jaam mein hai

— Dil Shahjahanpuri

aaghaaz-e-mohabbat se anjaam-e-mohabbat tak
guzraa hai jo kuchh ham par tum ne bhi sunaa hogaa

— Dil Shahjahanpuri

main gharq ho rahaa thaa ki tufaan-e-ishq ne
ik mauj-e-be-qaraar ko saahil banaa diyaa

— Dil Shahjahanpuri

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri

kisi se ishq apnaa kyaa chhupaaein
mohabbat Tapki paDti hai nazar se

— Meer Mehdi Majrooh