Dil Shahjahanpuri

بے سود ہے یہ جوش گریہ اے شمع سحر ہو جانے تک چھینٹا ترے اشک پیہم کا پہنچا نہ کبھی پروانے تک اے اہل نظر میری ہستی سب کچھ تھی کبھی اب کچھ بھی نہیں زندہ ہوں مگر مہمان بقا اک سانس کے آنے جانے تک ہاں غور سے اک خوددار نظر اپنے ہی گریباں پر ناصح کیا جانے رہے گا کس حد میں دیوانہ ترے سمجھانے تک اے خاک پریشاں کے ذرو آغوش میں تم مجھ کو لے لو تمکین و خودی کو ٹھکراتا پہنچا ہوں میں ویرانے تک آشفتہ نظام ہستی ہے کچھ اور نہ برہم ہو جائے مشاطۂ فطرت کے ہاتھوں گیسوئے بتاں سلجھانے تک وعدہ ہے مگر کس عالم میں اک شوخ تغافل فطرت کا جب لیلئ شب کے بل کھاتے گیسو اتر آئیں شانے تک

be-sud hai ye josh-e-girya ai shama sahar ho jaane tak

1 views

مایوس ازل ہوں یہ مانا ناکام تمنا رہنا ہے جاتے ہو کہاں رخ پھیر کے تم مجھ کو تو ابھی کچھ کہنا ہے کھینچیں گے وہاں پھر سرد آہیں آنکھوں سے لہو پھر بہنا ہے افسانہ کہا تھا جو ہم نے دہرا کے وہیں تک کہنا ہے دشوار بہت یہ منزل تھی مر مٹ کے تہہ تربت پہنچے ہر قید سے ہم آزاد ہوئے دنیا سے الگ اب رہنا ہے رکھتا ہے قدم اس کوچہ میں ذرے ہیں قیامت زا جس کے انجام وفا ہے نظروں میں آغاز ہی سے دکھ سہنا ہے اے پیک اجل تیرے ہاتھوں آزاد تعلق روح ہوئی تا حشر بدل سکتا ہی نہیں ہم نے وہ لباس اب پہنا ہے اے گریۂ خوں تاثیر دکھا اے جوش فغاں کچھ ہمت کر رنگیں ہو کسی کا دامن بھی اشکوں کا یہاں تک بہنا ہے اپنا ہی سوال اے دلؔ ہے جواب اس بزم میں آخر کیا کہیے کہنا ہے وہی جو سننا ہے سننا ہے وہی جو کہنا ہے

maayus-e-azal huun ye maanaa naakaam-e-tamannaa rahnaa hai

1 views

مئے کوثر کا اثر چشم سیہ فام میں ہے ساقیٔ مست عجب کیف ترے جام میں ہے دیکھیے فیصلۂ یاس و تمنا کیا ہو صبح محشر کی جھلک تیرگئ شام میں ہے نگہ مست کا پھر زہد شکن دور چلے پھر ڈھلے بادۂ سرجوش جو اس جام میں ہے چھا گئے شیوۂ بیداد پہ دل کش نغمے میں قفس میں ہوں کہ صیاد مرے دام میں ہے مطمئن خود ہی نہیں پھر اثر انداز ہو کیا پند واعظ ابھی اندیشۂ انجام میں ہے آرزو لطف طلب عشق سراسر ناکام مبتلا زندگی دل انہیں اوہام میں ہے

mai-e-kausar kaa asar chashm-e-siyah-faam mein hai

1 views

اب کوئی غم گسار ہمارا نہیں رہا دنیا کو اعتبار ہمارا نہیں رہا اس فرط غم میں خون کے آنسو ٹپک پڑے اب دل بھی رازدار ہمارا نہیں رہا اس کی حضور پیر مغاں میں ہے منزلت جو عہد پائیدار ہمارا نہیں رہا ہر داغ ابھر کے زخم بنا زخم رشک گل دل مائل بہار ہمارا نہیں رہا یہ ہے مآل صحبت زاہد جناب دل رندوں میں اب شمار ہمارا نہیں رہا

ab koi gham-gusaar hamaaraa nahin rahaa

اے عشق تو نے واقف منزل بنا دیا اب مرحلوں کو اور بھی مشکل بنا دیا اللہ رے شوق قیس کی جلوہ طرازیاں اکثر غبار دشت کو محمل بنا دیا میں غرق ہو رہا تھا کہ طوفان عشق نے اک موج بے قرار کو ساحل بنا دیا ہم نے اک آہ سرد کو شمع سحر کے ساتھ روداد ناتمام کا حاصل بنا دیا اے دل یہ سب امیر سخنور کا فیض ہے ذرہ کو جس نے جوہر قابل بنا دیا

ai 'ishq tu ne vaaqif-e-manzil banaa diyaa

پھر اعتبار عشق کے قابل نہیں رہا جو دل تری نظر سے گرا دل نہیں رہا نشتر چبھوئے اب نہ پشیمانئ نگاہ مجھ کو تو شکوۂ خلش دل نہیں رہا موجیں ابھار کر مجھے جس سمت لے چلیں حد نگاہ تک کہیں ساحل نہیں رہا کیا کہئے اب مآل محبت کی سرگزشت یاد اس کی رہ گئی ہے مگر دلؔ نہیں رہا

phir e'tibaar-e-ishq ke qaabil nahin rahaa