chhoD jaaeinge tujhe chaand ke charche sun kar — Fatima Mehru

tasviron par mat jaanaa
saali jhuTi hoti hain

— Fatima Mehru

ye ghalat-fahmiyon kaa mausam hai
apne dil ko sanbhaal kar rakhnaa

— Fatima Mehru

nahin charaagh jalaaeinge ab kisi dar par
ham aap apni mohabbat mazaar kar leinge

— Fatima Mehru

tire hijrat ke maare bastiyon se laD rahe hain
jinhein yaksar tire dil mein Thikaana chaahiye thaa

— Fatima Mehru

aur is se peshtar us ko bhulaa sakun yaksar
use main us ki tarah yaad aanaa chaahti huun

— Fatima Mehru

vo koh-e-qaaf kaa jaise makin ho gayaa hai
bichhaD ke aur ziyaada hasin ho gayaa hai

— Fatima Mehru

vo chaand hai to aks bhi paani mein aaegaa
kirdaar khud ubhar ke kahaani mein aaegaa

— Iqbal Sajid

aasmaan jhaank rahaa hai 'khaalid'
chaand kamre mein mire utraa hai

— Khalid Sharif

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

chaand ne taan li hai chaadar-e-abr
ab vo kapDe badal rahi hogi

— Jaun Elia

vaqt hai ab namaaz-e-maghrib kaa
chaand rukh lab shafaq hai gesu shaam

— Siraj Aurangabadi

yakka ulaT ke rah gayaa ghoDaa bhaDak gayaa
kaali saDak pe chaand saa chehra chamak gayaa

— Mohammad Alvi