aaj phir tum ko ham ne dekhaa hai — Fauziya Rabab

ishq jab se mujhe mayassar hai
khud ko hoti nahin mayassar main

mujh se puchhaa jo kisi ne tiri pahchaan bataa
main pukaari main tumhaari main tumhaari maulaa

kuza-gar main tiri mohabbat mein
apni surat bigaaD leti huun

vaqt jab aaina dikhaataa hai
aadmi khud ko bhuul jaataa hai

mujh ko har lamha miri maan se mohabbat hai 'rabaab'
main kisi roz bhulaa duun use mumkin hi nahin

jab vo kahti hai yuun ki uf tauba
meri tauba hi TuuT jaati hai