kuza-gar main tiri mohabbat mein — Fauziya Rabab

ishq jab se mujhe mayassar hai
khud ko hoti nahin mayassar main

mujh se puchhaa jo kisi ne tiri pahchaan bataa
main pukaari main tumhaari main tumhaari maulaa

vaqt jab aaina dikhaataa hai
aadmi khud ko bhuul jaataa hai

aaj phir tum ko ham ne dekhaa hai
aaj mahshar bani hain ye aankhein

mujh ko har lamha miri maan se mohabbat hai 'rabaab'
main kisi roz bhulaa duun use mumkin hi nahin

jab vo kahti hai yuun ki uf tauba
meri tauba hi TuuT jaati hai

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

main jaantaa huun mohabbat mein kyaa nahin karnaa
ye vo jagah hai jahaan qais bhi phisaltaa hai

raas aae tum ko mulk-e-ishq ki aab-o-havaa
aashiqo har-vaqt shaghl-e-aah-o-zaari chaahiye

vo kahaan dard jo dil mein tire mahdud rahaa
dard vo hai jo dil-e-kaun-o-makaan tak pahunche

butaan-e-shahr ko ye e'tiraaf ho ki na ho
zabaan-e-ishq ki sab guftugu samajhte hain