kuchh is liye bhi mujhe kaamyaabi milti hai — Fauziya Rabab

ishq jab se mujhe mayassar hai
khud ko hoti nahin mayassar main

— Fauziya Rabab

mujh se puchhaa jo kisi ne tiri pahchaan bataa
main pukaari main tumhaari main tumhaari maulaa

— Fauziya Rabab

kuza-gar main tiri mohabbat mein
apni surat bigaaD leti huun

— Fauziya Rabab

vaqt jab aaina dikhaataa hai
aadmi khud ko bhuul jaataa hai

— Fauziya Rabab

aaj phir tum ko ham ne dekhaa hai
aaj mahshar bani hain ye aankhein

— Fauziya Rabab

jab vo kahti hai yuun ki uf tauba
meri tauba hi TuuT jaati hai

— Fauziya Rabab

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid