kis anmol pashemaani ki daulat hai in aaankhon mein — Fay Seen Ejaz

tujh ko manzur nahin mujh ko hai ab bhi manzur
meri qurbat mire bose mujhe vaapas kar de

— Fay Seen Ejaz

main kahaan aayaa huun laae hain tiri mahfil mein
miri vahshat mire majbur qadam aap hi aap

— Fay Seen Ejaz

ab ke ruThe to manaane nahin aayaa koi
baat baDh jaae to ho jaati hai kam aap hi aap

— Fay Seen Ejaz

mil rahi hai mujhe naa-karda gunaahon ki sazaa
mere maalik mire sajde mujhe vaapas kar de

— Fay Seen Ejaz

yahi din hain barat le jitne zevar teraa ji chaahe
Dhalegi umr to ye chaandi sonaa kaun dekhegaa

— Fay Seen Ejaz

miraa rotaa bachcha bahaltaa thaa jis se
vo lakDi kaa haathi uThaa le gayaa vo

— Fay Seen Ejaz

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq