kamre mein aa ke baiTh gai dhuup mez par — Fazl Tabish

vahi do-chaar chehre ajnabi se
unhin ko phir se dohraanaa paDegaa

use maalum hai main sar-phiraa huun
magar khush hai ki us ko chaahtaa huun

na kar shumaar ki har shai gini nahin jaati
ye zindagi hai hisaabon se ji nahin jaati

sunte hain ki in raahon mein majnun aur farhaad luTe
lekin ab aadhe raste se lauT ke vaapas jaae kaun

har ik shai khuun mein Duubi hui hai
koi is tarah se paidaa na hotaa

raat ko khvaab bahut dekhe hain
aaj gham kal se zaraa halkaa hai