tamaam umr tiraa intizaar ham ne kiyaa — Hafeez Hoshiarpuri

aah marg-e-aadmi par aadmi roe bahut
koi bhi royaa na marg-e-aadamiyyat ke liye

— Hafeez Hoshiarpuri

tiri talaash mein jab ham kabhi nikalte hain
ik ajnabi ki tarah raaste badalte hain

— Hafeez Hoshiarpuri

ham ko manzil ne bhi gumraah kiyaa
raaste nikle kai manzil se

— Hafeez Hoshiarpuri

dosti aam hai lekin ai dost
dost miltaa hai baDi mushkil se

— Hafeez Hoshiarpuri

zamaane bhar ke gham yaa ik tiraa gham
ye gham hogaa to kitne gham na honge

— Hafeez Hoshiarpuri

mohabbat karne vaale kam na honge
tiri mahfil mein lekin ham na honge

— Hafeez Hoshiarpuri

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

kisi se ishq apnaa kyaa chhupaaein
mohabbat Tapki paDti hai nazar se

— Meer Mehdi Majrooh

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti